कैलालीको लम्कीचुहा नगरपालिका वडा नम्बर १ स्थित Panas Deep E.M School ले लम्की बहुमुखी क्याम्पसमा अध्ययनरत स्नातक तह तेस्रो वर्ष (BA, B.Ed) का विद्यार्थीहरूको परीक्षालाई सहज बनाउन महत्त्वपूर्ण सहयोग गरेको छ।
विद्यार्थीहरूको परीक्षा केन्द्र घोडाघोडी बहुमुखी क्याम्पस, सुखड र खप्तड बहुमुखी क्याम्पस, मसुरियामा तोकिएको हुँदा आवतजावतमा समस्या र समयमा पुग्न कठिनाइ देखिएको थियो। उक्त समस्या समाधानका लागि विद्यालयले आफ्नो बस उपलब्ध गराउँदै विद्यार्थीलाई केन्द्रसम्म पुर्याउने र फर्काउने व्यवस्था गरेको हो।
यस सराहनीय सहयोगका लागि Panas Deep E.M School का प्रिन्सिपल तथा सम्पूर्ण विद्यालय परिवारलाई स्वतन्त्र विद्यार्थी युनियनको तर्फबाट हार्दिक धन्यवाद व्यक्त गरिएको छ।
साथै, सबै परीक्षार्थी विद्यार्थीहरूलाई उक्त बस सेवा प्रयोग गर्न अनुरोध गरिएको छ।
तपसिल:
बस छुट्ने स्थान: लम्की चोक
समय: बिहान ठिक १०:०० बजे
यस पहलले विद्यार्थीहरूको परीक्षा सहभागिता अझ सहज र व्यवस्थित हुने अपेक्षा गरिएको छ।
