कैलाली — राष्ट्रिय स्वतन्त्र पार्टी क्षेत्र नम्बर २ का सभापति तथा लम्कीचुहा नगरपालिका स्थित ‘हाम्रो पाठशाला’का सञ्चालक कृष्ण बटाला ज्यूद्वारा विद्यार्थीको सुविधालाई ध्यानमा राख्दै बस सेवा उपलब्ध गराइने भएको छ।
लम्की बहुमुखी क्याम्पसमा अध्ययनरत व्यवस्थापन संकायका विद्यार्थीहरूको परीक्षा केन्द्र टिकापुरस्थित वीरेन्द्र विद्या मन्दिर क्याम्पसमा तोकिएको छ। उक्त केन्द्र टाढा परेकाले विद्यार्थीहरूलाई समयमै पुग्न असहज हुने अवस्थालाई मध्यनजर गर्दै बटालाले बसको व्यवस्था गरिदिने घोषणा गरेका हुन्।
यस सहयोगप्रति स्ववियुले आभार व्यक्त गर्दै विद्यार्थीहरूको सहजता र सुरक्षाका लागि गरिएको पहल सराहनीय भएको जनाएको छ। साथै, स्ववियुले सम्पूर्ण विद्यार्थीहरूलाई तोकिएको समयमै उपस्थित भई सेवा उपयोग गर्न अनुरोध गरेको छ।
तपसिल:
बस छुट्ने स्थान: लम्की चोक
समय: बिहान ६:१५ बजे
विद्यार्थीको शैक्षिक यात्रालाई सहज बनाउन गरिएको यस्तो सहयोगले सकारात्मक सन्देश दिएको छ।
