जिल्ला प्रहरी कार्यालय दैलेखका प्रमुख डीएसपी गणेशबहादुर बरालका अनुसार आक्रमणबाट बिष्टको शरीरमा गहिरो चोट लागी अत्यधिक रक्तश्राव भएको र उपचारका लागि लैजान नपाउँदै घटनास्थलमै मृत्यु भएको हो ।
डीएसपी बरालका अनुसार दैलेखमा पछिल्लो समय बँधेलको आक्रमणका घटनाहरू दिनदिनै बढ्दै गएका छन् । दुई हप्ता अघि मात्रै भैरवी गाउँपालिकामै बँदेलको आक्रमणबाट एक जनाको ज्यान गएको थियो भने आठबिस नगरपालिकामा पनि एक व्यक्ति घाइते भएका थिए।
स्थानीयका अनुसार बँदेलको निरन्तर आतंकले ग्रामीण बस्ती त्रसित बनेका छन्। खेतबारीमा काम गर्न र दैनिकी सञ्चालन गर्नसमेत कठिन बन्दै गएको उनीहरूको गुनासो छ। तर, यति गम्भीर अवस्था हुँदासमेत जिल्ला सुरक्षा समिति तथा सम्बन्धित निकायबाट प्रभावकारी कदम नचालिएको भन्दै स्थानीयले असन्तोष व्यक्त गरेका छन्।
बँदेलको बढ्दो आक्रमण नियन्त्रणका लागि तत्काल दीर्घकालीन र प्रभावकारी योजना आवश्यक रहेको स्थानीयको माग छ।
