कैलालीको बर्दगोरिया गाउँपालिका–२ अन्तर्गत बौनिया गाउँमा लागुऔषधसहित दुई जनालाई प्रहरीले पक्राउ गरेको छ। पक्राउ पर्नेमा २७ वर्षीय गब्बर भनिने सुनिल कुमार चौधरी र २७ वर्षीय रति राम चौधरी रहेका छन्।
जिल्ला प्रहरी कार्यालयका अनुसार सुनिल कुमार चौधरीको घरबाट १ ग्राम २७० मिलिग्राम ब्राउन सुगर बरामद गरिएको छ। ईलाका प्रहरी कार्यालय सडकपुर बौनियाबाट खटिएको प्रहरी टोलीले उनीहरूलाई नियन्त्रणमा लिएको हो।
प्रहरीले दुवै जनामाथि थप अनुसन्धान भइरहेको जनाएको छ। घटनाबारे थप विवरण आउन बाँकी रहेको पनि प्रहरीले जानकारी दिएको छ।
__________ विज्ञापन____________
