कैलाली । कैलालीको बर्दगोरिया गाउँपालिका–२ स्थित कुम्भियाबाट अवैध लागूऔषध ब्राउनसुगरसहित एक युवक पक्राउ परेका छन्।
बुधबार साँझ करिब ६ बजे इलाका प्रहरी कार्यालय सडकपुर बौनियाबाट खटिएको प्रहरी टोलीले करिब ७१० मिलिग्राम ब्राउनसुगरसहित २३ वर्षीय शिशिर बमलाई पक्राउ गरेको हो। पक्राउ परेका बम बर्दगोरिया गाउँपालिका–२ कै स्थायी बासिन्दा रहेको प्रहरीले जनाएको छ।
प्रहरीका अनुसार गोप्य सूचनाको आधारमा गरिएको चेकजाँचका क्रममा उनको साथबाट उक्त लागूऔषध बरामद गरिएको हो। घटनास्थलबाट लागूऔषधसहित एक जना व्यक्ति नियन्त्रणमा लिइएको र आवश्यक कानुनी प्रक्रिया अघि बढाइएको प्रहरीले जानकारी दिएको छ।
__________ विज्ञापन____________
हाल पक्राउ परेका व्यक्तिमाथि लागूऔषध सम्बन्धी मुद्दामा अनुसन्धान भइरहेको इलाका प्रहरी कार्यालय बौनियाले जनाएको छ।
