__________ विज्ञापन____________

कैलाली — बर्दगोरिया गाउँपालिका वडा नं. १ टिन बजार क्षेत्रबाट प्रहरीले लागुऔषधसहित दुई युवालाई पक्राउ गरेको छ।

पक्राउ पर्नेमा भजनी नगरपालिका–६ बस्ने २३ वर्षीय अभिषेक चौधरी र २१ वर्षीय श्रवणकुमार चौधरी रहेका छन्। उनीहरूको साथबाट करिब ३१० मिलिग्राम हिरोइन बरामद गरिएको प्रहरीले जनाएको छ।

इलाका प्रहरी कार्यालय सडकपुर बौनियाबाट खटिएको प्रहरी टोलीले विशेष सूचनाका आधारमा उनीहरूलाई नियन्त्रणमा लिएको हो। पक्राउ परेका दुवै जनामाथि थप अनुसन्धान भइरहेको प्रहरीले जानकारी दिएको छ।

पछिल्लो समय यस क्षेत्रमा लागुऔषध प्रयोग तथा कारोबारमा संलग्न व्यक्तिहरू पक्राउ पर्ने क्रम बढ्दो रहेको प्रहरीले जनाएको छ।