कैलालीको बर्दगोरिया गाउँपालिका–२ मा रहेको असहायका लागि सहयोगी हात नेपालद्वारा सञ्चालित सहारा घरलाई पोखरामा केन्द्रीय कार्यालय रहेको एनएमबि लघुवित्त वित्तीय संस्था लि. को १३ औं बर्ष पुरा गरि १४ औं बर्षमा प्रवेश गरेको उपलक्ष्यमा खाद्य सामाग्री हस्तान्तरण गरेको छ। आईतबार एनएमबि लघुवित्तले ५ बोरा चामल, १४ किलो दाल, १ पेटी खाने तेल, ५ किलो नुन, ५ किलो चिनि १ किलो चियापत्ती, १ पेटी स्याउ, ४ किलो अंगुर, १० किलो आलु, ५ किलो प्याज, ५ किलो टमाटर, ५ किलो गोभी, ५ किलो लौका र २ किलो बैगन हस्तान्तरण गरेको हो ।
लघुवित्तको सामाजिक उत्तर दायित्व अन्तर्गत धनगढी प्रादेशिक कार्यालय मार्फत उक्त खाद्य सहयोग सामाग्री हस्तान्तरण गरेको वित्तीय संस्थाको धनगढी प्रादेशिक कार्यालयका क्षेत्रीय प्रबन्धक राजेश ठकुल्लाले बताए । परिवार, समाजले हेला गरेका मानवलाई सहारा दिनु सानो कुरा नभएको हुँदा केही सहयोग होस भन्ने उद्देश्यले खाद्यान्न वितरण गरेको उनको भनाई थियो । आफूहरूले सहारा घरमा पुगेर खाद्यान्न वितरण गर्न पाउँदा निकै खुसी लागेको ठकुल्लाले बताए ।
खाद्यान्न वितरण कार्यक्रमका प्रमुख अतिथि बर्दगोरिया गा.पा. वडा नं. २ का वडा अध्यक्ष गोबिन्द बहादुर वि.क. ले दिन दुखी र असहायलाई सहयोग गर्नु मानवीय कार्य भएको बताए । सहारा घरका सञ्चालक विष्टले गर्दै आइरहेको कार्य एकदमै सह्रानीय र राम्रो भएको उनको भनाई थियो । असहाय असक्तहरूको जिम्मेवार राष्ट्रको भए पनि एउटा व्यक्तिले गर्नु चुनौती पूर्ण कुरा रहेको उनको भनाई छ ।
सहारा घरमा सहयोग गरिएको भन्दै सहारा घरका सञ्चालक बल बहादुर विष्टले एनएमबि लघुवित्त वित्तीय संस्थालार्ई धन्यवाद ज्ञापन गरेका छन् । यस्तै सहयोगी मनहरूले सहयोग गरेर सहारा विहीनहरूलाई सहारा दिइरहेको सञ्चालन विष्टले बताए । घर परिवारबाट अपहेलित, असहाय, घर परिवार विहीन तथा अपहेलनामा परेका सहारा विहीनहरूको स्याहार सुसार गर्ने व्यक्तिहरूलाई सहारा दिइरहेको उनको भनाई थियो ।
कार्यक्रममा साडेपानी शाखाका शाखा प्रमुख महेश भट्ट, गोदावारी शाखाका शाखा प्रमुख मनिषा कुमारी चन्द, धनगडी शाखाका शाखा प्रमुख दुर्गा भट्ट, जोशीपुर शाखाका शाखा प्रमुख हेमा चौधरी, कर्मचारी आर्यन ताम्राकार, देवकी जोशी, कमल बहादुर धामी र सुनिल पाण्डेयकोे सहभागिता रहेको थियो । सहाराघरमा अहिले १ सय जना मानसिक रोगीहरू बसोबास गरिरहेका छन् भने धेरै जनालाई परिवार मिलान गराइ घर फर्काइएको छ ।
