इलाका प्रहरी कार्यालय सडकपुर बौनिया ले दिएको जानकारी अनुसार शनिबार बर्दगोरिया गाउँपालिका–२ स्थित बर्दगोरिया मन्दिर चोक मा लागूऔषधसहित दुई जना पक्राउ परेका छन्।
पक्राउ पर्नेमा २२ वर्षीय रमेश बुढा र २४ वर्षीय बिकाश परियार रहेका छन्। उनीहरूको साथबाट ६८० मिलिग्राम ब्राउन सुगर बरामद गरिएको प्रहरीले जनाएको छ।
प्रहरीका अनुसार विशेष सूचनाका आधारमा खटिएको टोलीले चेकजाँच गर्ने क्रममा शंकास्पद अवस्थामा रहेका उनीहरूलाई नियन्त्रणमा लिई लागूऔषध बरामद गरेको हो। पक्राउ परेका दुवै जनामाथि लागूऔषध सम्बन्धी कसुरमा थप अनुसन्धान भइरहेको छ।
__________ विज्ञापन____________
