कैलालीको बर्दगोरिया गाउपालिका –५ बेलुवामा सम्पन्न चौथो बर्दगोरिया गा. पा वडा नम्बर ५ वडा स्तरीय फूटबल प्रतियोगिता को उपाधि प्रभु महलक्ष्मी लाईफ इन्सुरेन्सले हात पारेको छ । बुधबार भएको फाइनल खेलमा प्रभु महालक्ष्मी लाईफ इन्सुरेन्सले जिन्जी लाई ३–० गोल अन्तरले पराजित गर्दै उपाधि आफ्नो पक्षमा पारेको हो ।
विजेता बनेको प्रभु महालक्ष्मी लाईफ इन्सुरेन्स ले २२ हजार २ सय २२ रुपैयाँ नगदसहित ट्रफी प्राप्त गरेको छ भने उपविजेता जिन्जी ले १२ हजार १ सय ११ रुपैयाँ नगद पुरस्कारमा सीमित भयो ।
व्यक्तिगत विधातर्फ उत्कृष्ट गोलरक्षक महेश रावल उत्कृष्ट डिफेन्डर मनोज लामिछाने सर्वाधिक गोलकर्ता विवेक सुनार र उत्कृष्ट खेलाडी सनिश थापालाई ट्रफी सहित सम्मान गरिएको थियो ।
“लागु औषध नियन्त्रण गरौ , स्वास्थ्य भई खेल खेलौ ” भन्ने मूल नाराका साथ हरेक बर्ष झै यस बर्ष पनि सहयोगी बेलुवा युवा क्लब ले प्रतियोगिताको आयोजना गरेको हो ।
समापन समारोहका प्रमुख अतिथि बर्दगोरिया गा. पा वडा नम्बर ५ का वडा अध्यक्ष भोलेराम ले खेलकुदले युवालाई अनुशासित, जिम्मेवार र स्वाभिमानी बनाउने बताए । हाम्रो वडा मा खेलमैदान नभए पनि हाम्रो यस वडा मा वडा स्तरीय फूटबल प्रतियोगिता र बिद्यालय स्तरीय वडा अध्यक्ष कप संचालन हुदै आएको छ। हामीले हाम्रो वडामा खेलमैदान का लागि निकै प्रयास गर्दै छौ। सायद अर्को आउने वडा स्तरीय फूटबल प्रतियोगिता खेलमैदानमा खेल्न पाउनु हुनेछ भन्ने आशा राखेका छौ। कार्यक्रममा प्रतियोगिता सफल बनाउन सहयोग गर्ने व्यक्तिहरू तथा संस्थाहरूलाई सम्मानपत्र र कदरपत्र प्रदान गरिएको थियो ।
समापन समारोहको अध्यक्षता प्रतियोगिता का संयोजक चक्र कार्कीले गरेका थिए भने कार्यक्रमको सञ्चालन क्लब का अध्यक्ष महेश रावलले गरेका थिए।
