धनगढी — युवा व्यवसायी रविन नाथले धनगढीमा “खुसी सुदूरपश्चिम एजुकेशनल कन्सल्टेन्सी” सञ्चालनमा ल्याएका छन्। विदेश अध्ययन गर्न चाहने विद्यार्थीहरूलाई लक्षित गर्दै स्थापना गरिएको कन्सल्टेन्सीले कोरिया, जापान, बेलायत र अष्ट्रेलियाका लागि शैक्षिक परामर्श सेवा प्रदान गर्ने जनाएको छ।
कन्सल्टेन्सीका सञ्चालक रविन नाथका अनुसार संस्थाको मुख्य कार्यालय कोरियामा रहेको छ भने नेपालमा धनगढी, चितवन र काठमाडौंमा शाखा सञ्चालनमा रहेका छन्। उनका अनुसार हालसम्म संस्थाले उच्च भिसा सफलता दर कायम गर्न सफल भएको छ र आगामी दिनमा अझ मजबुत तथा प्रभावकारी सेवा विस्तार गर्ने तयारी रहेको छ।
धनगढी–१, एल.एन. चोकमा रहेको कन्सल्टेन्सीमा IELTS, PTE, JLPT जापानी भाषा तथा EPS-TOPIK कोरियन भाषा तयारी कक्षा सञ्चालन हुनेछन्। साथै, भिसा डकुमेन्टेशन, करियर काउन्सिलिङ, बैंकिङ तथा लोकसेवा तयारी कक्षासमेत उपलब्ध गराइने बताइएको छ।
लगभग १२ लाख रुपैयाँको लगानीमा सञ्चालनमा आएको उक्त कन्सल्टेन्सीले अनुभवी काउन्सिलरमार्फत विद्यार्थीलाई सही मार्गदर्शन गर्दै गुणस्तरीय सेवा प्रदान गर्ने लक्ष्य लिएको जनाएको छ।
धनगढी शाखामा कृष्णा रोकायाको पनि लगानी रहेको बताइएको छ। धनगढी शाखाको सम्पूर्ण जिम्मेवारी कृष्णा रोकायाले सम्हालिरहेका छन्। साथै, लगानीकर्ता रविन नाथ लामो समयदेखि कोरियामा बस्दै आएका र आफैं यही क्षेत्रमा सक्रिय रहेकाले विद्यार्थीलाई व्यवहारिक तथा सहज परामर्श दिन सकिने उनले बताएका छन्।
