कैलाली ।बर्दगोरिया गाँउपालिका –४ का वडा अध्यक्ष जगत बहादुर शाही ले आफ्नो जन्मदिनको अवसरमा बर्दगोरिया स्थित सहाराघरमा फलफूल तथा खाद्यान्न सामग्री वितरण गरेका छन्।
वडा अध्यक्ष शाहीले सहाराघरमा बसोबास गरिरहेका व्यक्तिहरूलाई सहयोग स्वरूप विभिन्न खाद्यान्न तथा तरकारी सामग्री प्रदान गरेका हुन्। उनले २० केजी दाल, १ पेटी स्याउ, १ पेटी तेल, ५० केजी बन्दा गोभी, १० केजी फूल गोभी, १० केजी भान्टा, १० केजी लौका, ५ केजी गाजर, ३ क्विन्टल आलु तथा १ ट्राली दाउरा वितरण गरेका छन्।
जन्मदिनको अवसर पारेर समाजसेवा गर्ने उद्देश्यले उक्त सामग्री वितरण गरिएको वडा अध्यक्ष शाहीले बताएका छन्। सहाराघरका संस्थापक तथा अध्यक्ष बल बहादुर बिष्टले वडा अध्यक्ष शाहीलाई सहयोगका लागि धन्यवाद व्यक्त गर्दै यस्ता सामाजिक कार्यले समाजमा सकारात्मक सन्देश जाने बताएका छन्।
यस कार्यक्रममार्फत सहाराघरमा बसोबास गर्ने व्यक्तिहरूलाई दैनिक उपभोगका लागि आवश्यक खाद्यान्न तथा फलफूल उपलब्ध भएको छ।
त्यसैगरी वडा अध्यक्ष शाहीले सोही अवसरमा नेपाल रेड क्रोस अन्तर्गत टिकापुर रेडक्रस शाखामा पुगेर रक्तदान समेत गरेका छन्।
