माघ १७, बाैनिया :सहयोगी बेलुवा युवा क्लब बर्दगाेरिया गाउपालिका ५ बेलुवाकाे आयाेजनमा जारी खुल्ला फुटबल प्रतियोगितामा २०८१ काे समापन आज हुने भएको छ ।
आयाेजकले दिएकाे जानकारी अनुसार बिहान दुई सेमिफाइनल खेल सञ्चालन हुने र दिउँसो हुने फाइनल खेल संगै प्रतियोगिता सम्पन्न हुनेछ । प्रतियोगिताको समापन बर्दगाेरिया गाउपालिका उपाध्यक्ष गणेशराज गिरी (लालदिप)ले गर्ने कार्यक्रम रहेको आयाेजक क्लबका अध्यक्ष महेश रावलले जानकारी दिएका छन् ।
आज बिहान हुने पहिलो सेमिफाइनल खेलमा ड्रिमर्स एफ.सि लम्कि र बछुरिया युवा क्लब बछुरिया प्रतिस्पर्धा गर्दा दाेस्राे सेमिफाइनल खेलमा घाेडाघाेडि ८ चाैरठ्ठि र जे.वाइ.सि(जरहि) फाइनल प्रवेशका लागि प्रतिस्पर्धा गर्नेछन् । हिजो भएको क्वाटरफाइनल खेलहरुमा ड्रिमर्स एफ.सि लम्किले आयाेजक (ए) लाई छ शुन्यकाे गाेल अन्तरले हराउदा बछुरियाले रितिका कम्प्युटर्स काेटागढिलाई टाइब्रेकरमा पाँच चारकाे गाेल अन्तरले हराउन सफल भएको थियो । प्रतियोगितामा हिजाे नै सञ्चालन भएका अन्य क्वाटरफाइनल खेलहरुमा घाेडाघाेडि ८ चाैरठ्ठिले नमस्ते युथ क्लब लम्किलाइ टाइब्रेकरमा चार दुईकाे गाेल अन्तरले हराउदा अर्को क्वाटरफाइनलमा जरहिले भजनिलाइ टाइब्रेकरमा छ पाँचकाे गाेल अन्तरले हराएको थियो ।
नकआउट प्रकृतिमा सञ्चालन भैरहेको प्रतियोगिताकाे बिजेताले पुरस्कार स्वरुप १०,१११ प्राप्त गर्दा दाेस्राे हुने टिमले ५,५५५ पुरस्कार प्राप्त गर्नेछ । प्रतियोगितामा कैलाली जिल्ला भित्रका बर्दगाेरिया गाउपालिका,जाेशिपुर गाउपालिका, घाेडाघाेडि नगरपालिका , लम्किचुहा नगरपालिका र भजनि नगरपालिकाका गरेर १८ टाेलिकाे सहभागिता रहेको थियो । प्रतियोगिता बर्दगाेरिया गाउपालिका वडा नम्बर ४ स्थित प्रस्तावित काेटागढि खेल मैदानमा सञ्चालन भैरहेको छ ।
