कैलाली । नेपाली कम्युनिस्ट पार्टी कैलाली क्षेत्र नं. १ ले कैलालीको जानकी गाउँपालिका–४ निवासी जेन्जी युवा अखिल (क्रान्तिकारी) का कैलाली जिल्ला अध्यक्ष तपेन्द्र शाहलाई यहि फागुन २१ गते हने प्रतिनिधि सभाको निर्वाचनको लगि जेनजि युवा बाट सिफारिस गरेको छ।
पार्टीको क्षेत्रीय तहमा सम्पन्न छलफल तथा आन्तरिक परामर्शपछि शाहलाई सिफारिस गरिएको पार्टीले जनाएको छ।
शाह वि.सं. २०७२ सालदेखि टिकापुरस्थित वीरेंद्र माध्यमिक विद्यालयमा कक्षा ११ मा अध्ययनरत रहँदा अखिल (क्रान्तिकारी) मा संगठित भएका थिए। त्यसयता उनी लामो समयदेखि विद्यार्थी आन्दोलन तथा पार्टी संगठन निर्माणमा सक्रिय रहँदै आएका छन्। पार्टीभित्र उनी एक प्रतिबद्ध, क्रियाशील तथा संगठनात्मक क्षमता भएका नेताका रूपमा परिचित छन्।
विद्यार्थी संगठन तथा पार्टी संगठनलाई मजबुत बनाउने कार्यमा महत्वपूर्ण भूमिका निर्वाह गरेका शाहको सिफारिसले कैलाली क्षेत्र नं. १ मा पार्टी गतिविधि थप सशक्त हुने अपेक्षा गरिएको छ।
पार्टी स्रोतका अनुसार सिफारिससम्बन्धी प्रक्रिया केन्द्रीय निर्णयका लागि पठाइसकिएको छ भने अन्तिम निर्णय पार्टी नेतृत्वबाट हुने जनाइएको छ।
