कमल शाही दैलेख। जाडो याम सुरु हुँदै गर्दा विद्यालयका विद्यार्थीलाई सहज अध्ययन वातावरण बनाउनका लागि दैलेखमा विद्यार्थीलाई न्यानो कपडा वितरण गरिएको छ । दैलेख जेसीजले नारायण नगरपालिका–८सिमडा स्थित दिपशिशु आधारभूत विद्यालयका ५० जना विद्यार्थीलाई न्यानो कपडा वितरण गरिएको हो ।
जाडो मौसममा साना बालबालिकाको स्वास्थ्यलाई राहत र पढाइमा सहयोग पुर्याउने उद्देश्यले न्यानो कपडा वितरणगरिएको दैलेख जेसीज २०२५ अध्यक्ष प्रतिमा खड्काले जानकारी दिनुभयो ।उहाँले विद्यालय जाने बालबालिकालाई न्यानो कपडा वितरणले सहजता थपिएको उहाँको भनाइ छ ।
यस्तै नारायण नगरपालिका- ८का वडाध्यक्ष गोपाल कुमार बिशीले दैलेख जेसीजले बिद्यार्थीहरुलाई न्यानो कपडा वितरण गरेर प्रशंसनीय कार्य गरेको बताउनुभयो । उहाँले विद्यार्थी र विद्यालयको आवश्यकतालाई मध्यनजर गरेर न्यानो कपडा वितरण गरेकोमा धन्यवाद व्यक्त गर्नुभयो।
