कैलाली — गृह मन्त्रालयले देशभरका प्रमुख जिल्ला अधिकारी (सिडिओ)हरूको सरुवा गरेसँगै कैलालीका सिडिओ कृष्णप्रसाद लम्साल पनि सरुवामा परेका छन्।
मन्त्रालयले एकैपटक ३० जना सिडिओको सरुवा गरेको हो।
कैलालीमा लम्सालको स्थानमा हिरालाल रेग्मीलाई नयाँ सिडिओका रूपमा पठाइएको छ।
त्यस्तै सुदूरपश्चिम प्रदेशका अछाम र डडेल्धुराका सिडिओहरू पनि परिवर्तन गरिएको गृह मन्त्रालयले जनाएको छ।
अछामका सिडिओ आनन्द सारुलाई सरुवा गरी विष्णुप्रसाद कोइराला पठाइएका छन् भने
डडेल्धुराका सिडिओ जनार्दन गौतमलाई सरुवा गरी हालका लागि स्थान खाली राखिएको छ।
सरुवा भएका सिडिओहरूले निकट भविष्यमै नयाँ कार्यस्थलमा जिम्मेवारी सम्हाल्ने तयारी गरिरहेको मन्त्रालय स्रोतले जनाएको छ।
