२९ माघ : जोशीपुर गाउँपालिकाको १३ औं गाउँसभा अधिवेशन मंगलबारबाट सुरु भएको छ ।
गाउँपालिकाका अध्यक्ष चित्रबहादुर चौधरीको अध्यक्षतामा सुरु भएको गाउँपालिकाको १३ औं गाउँसभामा कार्यपालिकाको बैठकको सम्पूर्ण निर्णय अनुमोदन गरिएको छ भने जोशीपुर स्थित रघुनाथ आदर्श बहुमुखी क्याम्पसलाई संचालन तथा व्यवस्थापनका लागि ५ लाख ५० हजार विनियोजितको निर्णय सभाले पारित गरेको छ ।
१३ औं गाउँसभाले विभिन्न क्षेत्रमा कार्यरत कर्मचारी, शिक्षक, स्वास्थ्य स्वयंसेविका र कृषकहरुलाई सम्मान गरेकोछ । सम्मान अन्तरगत कर्मचारी तर्फ लेखापाल निर्पराज भट्टराई, वडा सचिव रुपा विष्ट, कार्यालय सहयोगी रामकृष्ण कठरियालाई सम्मान पत्र र जनही नगर ५ हजारले सम्मान गरिएको छ भने शिक्षा क्षेत्रतर्फ जनप्रकाश माद्यामिक बिधालय मुद्धिका प्रधानाध्यापक सुरेश थारु, राष्ट्रिय माद्यामिक बिधालय डहरवेरियाका प्रधानाध्यापक लिलाराम ओली, वि.पि. आधारभुत विद्यालय घैलाका प्रधानाध्यापक विष्णु प्रसाद भट्टलाई पनि गाउँसभामा सम्मान पत्र र जनही नगर ५ हजारले सम्मान गरिएको छ।
त्यसैगरि अवकास भईरहेका महिला स्वास्थ्य स्वयंसेविकातर्फ प्राथमिक स्वास्थ्य केन्द्र जोशीपुरमा कार्यरत सुमित्रा कुश्मी, आधारभुत स्वास्थ्य इकाई झँवहीमा कार्यरत चित्रा देवी चौधरी र बौनिया स्वास्थ्य चौकीमा कार्यरत रामकृष्णी डंगौरालाई जनही ३० हजार र सम्मान पत्रले सम्मान गरिएको छ । त्यसै गरि कृषक तर्फ वडा नं. १ वडहरियाका लिलाराज चौधरी, वडा नं. ६ लखराम चौधरी र वडा न. ४ खर्चुवाका रतन चौधरीलाई पनि सभाले जनही ५ हजार र सम्मान पत्रले गाउँसभाले सम्मान गरेको छ।
गाउँसभाको दोस्रो बैठक आउने फागुन २ गते विहान ९ बजे बस्ने बताइएको छ । सभमा उपाध्यक्ष गिता कठरिया, प्रमुख प्रशासकीय अधिकृत प्रकाश ढुंगाना, लेखा अधिकृत टिपेश तिमिल्सिना लगयत कार्यपालिका सदस्य तथा गाउँसभा सदस्यहरुको सहभागिता रहेको थियो ।
