कैलाली को बर्दगोरिया गाउँपालिका मा यहि माघ १० गते देखि १३ गते सम्म खुल्ला फुटबल प्रतियोगिता हुने भएको छ।
बर्दगोरिया गाउँपालिका वडा नम्बर ५ मा रहेको सहयोगी बेलुवा युवा क्लब को आयोजनामा प्रतियोगिता हुन लागेको क्लबका अध्यक्ष महेश रावलले जानकारी दिएका छन्।
लागुऔषध नियन्त्रण गरौ, स्वस्थ भई खेल खेलौ भने मूल नाराकम साथ आयोजना हुने प्रतियोगिता मा २० भन्दा धेरै टिम सहभागी हुने क्लब का अध्यक्ष रावलले बताएका छन्। प्रतियोगितामा बर्दगोरिया गाउँपालिका, जोशीपुर गाउँपालिका, लम्की चुहा नगरपालिका, घोडाघोडी नगरपालिका लगायतका पालिकाबाट टिम समाबेस हुने आयाेजकले जानकारी दिएको छ । प्रतियोगिता नकआउट सिस्टमद्वारा संचालन हुने छ । बर्दगोरिया गाउँपालिका वडा नम्बर ५ मा खेल मैदान नभएकोले खेल बर्दगोरिया गाउँपालिक वडा नम्बर ४ मा रहेको कोटागढी खेल मैदान मा हुने छ।
प्रतियोगिता को उद्घाटन बर्दगोरिया गाउँपालिका अध्यक्ष कर्ण बहादुर कुँवर द्धारा गरिने छ। प्रतियोगिता को प्रथम पुरस्कार नगद रु १० हजार १ सय ११ प्रमाण पत्र रहने छ भने द्वितीय पुरस्कार ५ हजार ५ सय रहने छ। टिम दर्ता माघ ४ गते देखि ९ गते सम्म रहने क्लबका अध्यक्ष महेश रावल ले जानकारी दिएका छन्।
