पौष २१,बौनिया/बर्दगोरिया सेती लोकमार्ग पहिचान महोत्सव सनिवार समापन भएको छ ।
‘कृषि व्यापार,संस्कृति र बर्दगोरिया धाम पर्यटनको विकास निर्माणाधीन सेती लोकमार्गको निकास’ मूल नाराका साथ पुस ९ गते बाट भएको महोत्सव सनिवार समापन भएको छ ।
बौनिया बजार व्यवस्थापन समितिका अध्यक्ष देवराज स्वारको सभापतित्वमा भएको कार्यक्रमका प्रमुख अतिथी बर्दगोरिया गाउँपालिका अध्यक्ष कर्ण बहादुर कुँवर रहनु भएको थियो । यसै गरि विशिष्ट अतिथी पालिका उपाध्यक्ष गणेश राज गिरि(लालदिप) रहनु भएको थियो ।
कार्यक्रममा बोल्दै पालिका अध्यक्ष कर्ण बहादुर कुँवरले सेती लोकमार्ग निर्माणमा दबाब दिन बौनिया बजारले लगाएको महोत्सवले थप दबाब सृजना भएको बताए । उनले भने मेला महोत्सवले ठाउँको पहिचान संगै ब्यापार व्यवसायमा टेवा पुग्छ ।
महोत्सवको अन्तिम दिन गायक दुर्गेश थापा र चेतन बोहराको प्रस्तुती रहेको थियो । महोत्सव अवधिभर करिब ४० हजार दर्शकले अवलोकन गरेको अध्यक्ष देवराज स्वारले बताए । कार्यक्रममा बर्दगोरिया गाउँपालिका वडा नम्बर १ देखि ६ सम्मका अध्यक्ष ,कार्यपालिका सदस्य लगाएत विभिन्न संघ संस्थाक प्रतिनिधिको सहभागिता रहेको थियो ।
