कैलालीको जानकी गाउँपालिकाले पालिका स्तरिय विद्यालयको आन्तरिक मूल्याङ्कन गरि उत्कृष्ट विद्यालयलाई नगद ४ लाख सहित उत्कृष्ट विद्यालय घोषणा गरेको छ । वडा नं. ६ धार्मपुरमा रहेको महेन्द्रशिशु मा.वि.को प्राङगणमा जानकी गाउँपालिका स्तरिय वृहत शैक्षिक कार्यक्रमको आयोजना गरि पालिकाले उत्कृष्ट विद्यालय घोषणा गरेको हो ।
गत वर्षको एस.ई.ई.को नतिजा अनुसार मा.वि. तह अन्तरगत भृकुती मा.वि. जानकी ३ सुवर्णपुरलाई उत्कृष्ट विद्यालयको रुपमा पालिकाले घोषणा गरेको छ । जनता मा.वि. मुनुवा दोस्रोमा रहेको छ भने अरुणोदय मा.वि. खैरीफाँटा तेस्रो नंम्बरमा रहेको पालिका अध्यक्ष गणेश चौधरीले शैक्षिक गुणस्तर वृद्धिका लागि पालिकाले बनाएको कार्यविधिको मापदण्ड र सूचक अनुसार उत्कृष्ट विद्यालयको घोषणा गरिएको बताउनु भयो ।
त्यसै गरि आधारभुत विद्यालय अन्तरगत श्री राष्ट्रिय आधारभुत विद्यालय जानकी ८ खैरिपुर उत्कृष्ट, श्री हिमालय आ.वि. जानकी ९ लम्की फाँटा दोस्रो र श्री अरुणोदय मा.वि. खैरिफाँटा तेस्रो नंम्बरमा रहेको छ ।
पालिकाले प्रथम हुने विद्यालयलाई ४ लाख, दोस्रोलाई २ लाख ५० हजार र तेस्रो स्थानमा रहेको विद्यालयलाई १ लाख ५० हजार दिने घोषणा गरे अनुसार नगद चेक हस्तान्तरण गरेको छ ।
पालिका अन्तरगतका विद्यालयको शैक्षिक गुणस्तर सँगसँगै विद्यार्थीहरुको चौतर्फी विकासका लागि नृत्य प्रतियोगिता, गायन प्रस्तुति एवं उत्कृष्ट हुने समूहलाई नगद पुरस्कार प्रदान गर्ने, शैक्षिक सत्र २०८० मा एस.ई.ई. र कक्षा ८ मा उत्कृष्ट नतिजा ल्याउने विद्यार्थीहरुलाई प्रोत्साहन, विद्यालयहरुलाई लोक सेवा आयोग तथा शिक्षा सेवा आयोग सम्बन्धि पुस्तक हस्तान्तरण र चित्र कला प्रदर्शनी एवं उत्कृष्ट चित्रकार विद्यार्थीलाई प्रोत्साहन गर्ने कार्यक्रम संचालन गरेको जानकी गाउँपालिका प्रमुख प्रशासकिय अधिकृत आशिष चौधरीले बताउनु भयो । “हामी कर्मचारी अहिले यहाँ छौं भोली अन्य ठाउँमा हुनेछौं ।
शैक्षिक सुधारका लागि जानकी गाउँपालिकाले ल्याएको कार्यविधिलाई निरन्तर कार्यान्वयनमा ल्याउनसके पक्कै शैक्षिक सुधार हुन्छ ।” वहाँले भन्नु भयो ।
त्यसै गरि कार्यक्रमका प्रमुख अतिथि नेपाल सरकारको संघिय सांसद एवं पूर्व मन्त्री रञ्जीता श्रेष्ठ चौधरीले जानकी गाउँपालिकाले शैक्षिक क्षेत्रमा गरेको पहल र प्रयाले विद्यार्थीहरुमा थप उर्जा थपेको र विद्यार्थीहरुमा सृजनशिलता, आत्मविश्वास र प्रतिष्प्रधात्मक विकास हुने बताउनु भयो । उहाँले भन्नु भयो “यसले विद्यार्थीहरुको बहुआयामिक, व्यवहारिक सिप र समाज प्रतिको उत्तरदायित्यमा टेवा पु¥याउँछ ।
शिक्षाले संस्कार र समुदायिक भूमिकाका लागि विद्यार्थीहरुलाई नैतिकवान बनाउँछ । सामाजिक दायित्व पुरा गर्न तथा नयाँ पुस्तालाई सामाजिक उत्तरदायित्व तर्फ अभिप्रेरित गर्न शिक्षाको महत्वपूर्ण भुमिका छ । पालिकाले शिक्षा, स्वास्थ्य, कृषि र वातावरणीय संरक्षण क्षेत्रमा लगानी गरिरहेको छ । यसले पालिको चौतर्फी विकास गर्नमा महत्वपूर्ण योगदान पु¥याउने गर्दछ ।” शिक्षा, कृषि, रोजगार र स्वास्थ्यका लागि नितिगत सुधारमा आफु लागिपरेको पनि प्रमुख अतिथि श्रेष्ठ चौधरीले बताउनु भयो ।
