रुकुम पुर्वको पुथाउत्तरगंगा गाउँपालिका वडा नम्बर–२ को अध्यक्षमा जगत घर्ती निर्विरोध निर्वाचित भएका छन्। पालिका अध्यक्ष पुनीराज घर्तीका अनुसार एमालेका उम्मेवारले आफ्नो उम्मेदवारी फिर्ता लिएपछि जगत घर्ती निर्विरोध वडाध्यक्ष निर्वाचित भएका हुन्।
वडाध्यक्षका लागि एमालेबाट उम्मेदवार रहेका जीवन रोका र स्वतन्त्र उम्मेदवारी दिएका शुक्र विकले उम्मेदवारी फिर्ता लिएका छन्। पालिकामा रिक्त उपाध्यक्ष र वडाध्यक्षका लागि कांग्रेस एमालेले गठबन्धन गरेका छन्। निर्वाचन आयोगको कार्यतालिका अनुसार आज उम्मेदवारी फिर्ता लिने अन्तिम दिन हो।
यद्यपि, घर्ती निर्वाचित भएको घोषणा आयोगले भने गर्न बाँकी छ। निर्वाचन आयोगले आधिकारिक रूपमा विवरण संकलनको काम भइरहेको जानकारी दिएको छ।
